張雲正：「兄弟，幫幫忙，下屆CS可能係我，唔好因為林鄭而逃亡……」
周達明：「我咪澄清咗傳聞同事實不符囉……」
以上嘅設計對白，如有雷同，一如林鄭得票777咁巧合。
現任公務員事務局局長張雲正Clement升政務司司長嘅行情近期突然看漲，無他嘅，相對地年紀較輕有活力，兼且已專責管理公務員隊伍，若更上一層樓協調不同政府部門，相信得心應手，而且2015年突然由海關關長替補被炒魷嘅鄧國威做局長，可見獲中央高度信任，呢個優勢已經力壓官場老將張建宗。
若然Clement真係升呢做CS，都要資深政務官留任幫拖㗎，但盛傳林鄭上場做特首，唔少政務官會嚇走，包括噚日同佢一齊出席立法會特別財委會嘅公務員事務局常秘周達明，穩定軍心、安撫同僚都係Clement升呢後嘅重任啩？唔知以上設計對白，有冇讀出Clement心聲？