【介紹返】「志明橋」以外　世界級靚天橋

【介紹返】「志明橋」以外　世界級靚天橋

九龍灣一條憑着電影《志明與春嬌》而大熱的行人天橋，最近突然很多人去打卡呃like，甚至冒險坐在框邊擺Pose影相，真係睇見都牙煙，連消防員都忍唔住要出post叫大家不要再亂來，那麼多人去這條「志明橋」打卡，只因香港的天橋設計千篇一律，毫無特色，難得有條稍為特別的，加上明星效應，才會人人都爭住去。但影還影，真的有必要爬出去影嗎？其實企在橋內影相，都一樣咁靚，唔使搵條命嚟搏丫。其實其他國家有很多設計新穎、極富特色及風格的靚天橋，香港可以參考下喎，有幾靚？睇片同大家介紹返。

記者：黃子配

2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily

英國倫敦的Rolling Bridge全長只得12米，可以伸縮及自動捲起形成一個圓環狀，非常有特色。

荷蘭阿姆斯特丹的Melkwegbrug共分成兩部份，下面是單車通道，上面呈拱橋的則是行人通道，雖然過橋要行上12米高的橋頂，但當做做運動也不錯。

馬來西亞極離地的天橋Langkawi Sky Bridge，只得一條固定在山腰的支柱和八條鋼纜來支撐橋身，真係細膽啲都唔敢行上去。

美國的High Trestle Trail Bridge，上有多個不同角度的正方形鋼框，亮起LED燈時像條時光隧道，夢幻到不得了。

西班牙馬德里的Arganzuela Foorbridge，呈圓筒形設計，望上去已經夠吸睛。