加利尼維利同埋加歷查家陣做緊講波佬，成日插英超啲球證吹得差又錯判，佢哋日前就決定挑戰吓，參加英超球證訓練。第一部份先係體能訓練，到第二部份，佢哋就試吓做旁證，咁佢哋判越位又準唔準呢？初頭佢哋都仲OK，但之後就成日舉錯旗或者睇漏眼！唔知經過咗呢次體驗，佢哋之後講波會唔會對裁判「口下留情」呢？