恭喜羅渣士帶領些路迪贏蘇超冠軍！些路迪周日作客赫斯，只要贏波就提早封王，佢哋靠史葛冼佳亞大演帽子戲法，加埋柏德列羅拔士同史超活岩士唐入波，以5:0大勝對手。些路迪得86分，多第二嘅鴨巴甸25分，喺剩番八輪之下，提早封王，聯賽六連霸。羅渣士已經幫球隊拎咗蘇聯盃，只要拎埋蘇足盃，佢哋就完成國內三冠王。