求驗客手記:C朗追「月」男女都啱

求驗客手記:
C朗追「月」男女都啱

有啲男仔睇女仔鍾意眼大,有啲就鍾意身材好,但對於葡萄牙前鋒基斯坦奴朗拿度(C朗)嚟講,就一定係要籮霸!事緣繼喺2013年被指背住當時嘅女友艾琳娜,偷嗒美臀小姐亞軍安德莉雅後,應屆巴西美臀小姐艾歷嘉又走出嚟話,喺早前國際賽期間,C朗返葡萄牙為國家隊比賽,佢又喺當地拍電視劇,所以C朗就whatsapp叫佢出嚟短聚喎!

僅畀美臀小姐15分鐘

擁有42吋「豪華臀」嘅艾歷嘉話:「我一向以為C朗鍾意啲好似芭比身形嘅女仔,估唔到原來佢對大籮情有獨鍾喎!佢whatsapp我,叫我去佢喺里斯本嘅屋企,仲派埋車嚟接我。不過,由於我遲到,我哋喺車上通話嗰陣,佢話只畀到我15分鐘時間,當時我好嬲,cut咗佢線,就梗係冇去到佢屋企啦!之後返到巴西,就發現佢已經喺whatsapp block咗我。」
雖然,艾歷嘉極可能係借C朗嚟做新聞,不過,C朗對pat pat好有興趣又似乎係事實。喺日前當踢畢國際賽回歸皇家馬德里操練嗰陣,C朗就被拍到向皇馬隊友比比使用日漫《去吧!稻中乒團》入面嘅著名招數「人肉電鑽」,搞到後庭被襲嘅比比,一時之間都唔知點反應好。