除咗想搵一個肯陪你挨老麥嘅女友，宅男們或者更想要一個鍾意打機、鍾意動漫嘅女友，可以一齊開心share嘛。無論FF定認真mode都好，介紹番呢位新科花滑女王，超級Gfable！周五喺芬蘭赫爾辛基舉行嘅花樣滑冰世錦賽，俄羅斯17歲少女梅芙迪娃（Evgenia Medvedeva）喺女子個人滑自由滑造出154.40分嘅賽會紀錄，連同首日短節目同樣排第一，以破紀錄嘅總分233.41分力壓兩位加拿大選手衛冕，對上一位衛冕世錦賽冠軍嘅女子選手，已經係2000同01年嘅美籍華裔冰后關穎珊！
梅芙迪娃喺滑冰場內表現優美，喺滑冰場外就係「宅女」一名！除咗鍾意睇同樣以花樣滑冰為主題嘅日本動漫《Yuri!!! on Ice》，舊年仲試過喺日本一場冰上表演以《美少女戰士》角色月野兔嘅水手服裝扮表演，成為日本網民談論焦點！至於兩位中國選手李香凝同李子君，總成績分別排14同21名。