【爆相爆片】吳綺莉當年為成龍未婚誕下小龍女吳卓林，成龍只講「我做錯咗，全世界好多男人都會做錯咗嘅嘢」，對吳綺莉母女不聞不問，吳綺莉日前爆喊控訴成龍「佢話一毫子都唔會幫」。
卓林日前到泰國清邁旅遊散心，與母關係仍未破冰，吳綺莉昨被讀者Charlie透過本報的「爆相爆片」，分享昨午在大埔大尾篤茶檔野生捕獲吳綺莉與女伴散心，Charlie形容吳綺莉愁爆坐一角，不停跟友人吹水，未見笑容。
「卓林最無辜」
成龍前晚現身北京出席鳳凰衛視《影響世界華人盛典》，獲大會頒發特別致敬大獎，並接受大會指定傳媒訪問，發表永不言休偉論。但「燈神」蕭若元前日在fb貼片鬧爆成龍：「我睇見吳綺莉對佢嘅控訴，我真係覺得呢條友係人渣之友嚟。」
而成龍好友向華強夫婦、四太梁安琪等昨晚在金鐘出席一個慈善拍賣，向太陳嵐昨力撐成龍：「如果有人夾硬要生卓林出嚟，卓林先係最無辜、最可憐，佢冇得選擇。」向太認為成龍會在卓林21歲時畀錢照顧她，向太說：「你唔知佢私底下喊咗好多次，佢做錯事，老婆（林鳳嬌）又咁撐佢。」
「曾接過勒索」
問到成龍可有擔心卓林？向太說：「可能嬌姐都好care，想幫但唔知點幫。成龍曾接過勒索恐嚇，都攬住我哋喊，但嗰個人走咗啦。」向太點頭示意金額龐大，她續說：「對方舉動令佢死心，話以後唔想知唔想理。」
四太卻避談成龍和吳綺莉：「好朋友有乜都關心，我留心樓市同藝術品多啲。」可有跟成龍交流教女經？四太即說：「我自己個女都未得閒教。」何超盈昨日捐出藝術家曾梵志名畫《面具系列》拍賣：「底價8千萬，希望拍賣到過億。」「上海仔」郭永鴻昨晚碰巧路過活動場地。
採訪：嵐山、盧妹
攝影：陳俊強