鄭希怡（Yumiko）、諸葛紫岐、汪詩詩及泰國變性人Poyd等，前晚在邵氏影城出席Versace時裝騷。對於好友葉佩雯早前被指荷爾蒙失調，Yumiko表示對方有一段時間不舒服，希望她搵到一個好醫生，並笑說：「雖然佢老公（郭偉亮）都鍾意佢有啲肉地，但始終身體緊要。」Yumiko指有好醫生適合都會介紹，但不會亂介紹，調理好身體還可以生BB。提到葉佩雯兩公婆表示不想生BB，她說：「會有意外㗎嘛！」
諸葛紫岐透露剛由日本返港，急不及待自爆去傾美容生意，又指北京公司打算開戲，不過不賺錢的工作會減省，問會不會裁員？她說：「暫時唔會，早前簽咗兩個男仔，佢哋就快出新歌，乜都安排好晒。」
採訪：羅慧敏
攝影：沈健程
