陳思齊（前名：陳凱怡）係2000年港姐選佳麗之一，當年只有17歲嘅係成班參加者中，年紀最細嗰一位，更獲得「千禧版朱玲玲」封號，喺賽前係大熱門，可惜決賽當晚佢三甲不入，只係得個「完美肌膚獎」。
講番嗰屆千禧港姐，幾乎海外佳麗玩晒，土炮貨如陳思齊呢啲，就要靠邊站囉。嗰屆冠軍係來自溫哥華嘅劉慧蘊，亞軍係來自多倫多嘅簡佩堅，季軍劉嘉慧來自悉尼。劉慧蘊仲掃埋最上鏡小姐、國際親善小姐同最具新世紀風采小姐。不過四料冠軍都冇乜星運，劉慧蘊02年初同大台解約，04年就嫁咗俾富豪林孝基，專心做少奶奶。
原來阿夢岑寶兒原來都係呢屆，佢拎咗最受傳媒歡迎獎；林淑敏就摘下網上最奪目小姐。
話晒係港姐，樣同身材點都有啲嘅，做唔到花旦嘅陳思齊，從未放棄佢嘅演藝事業，而且「事業心」仲好強，儘管大部份時間靠邊站，但陳思齊出席活動時好識做，經常性地以小背心上陣，有腰晒腰，有腳露腳，大騷身材，甚為養眼。