有58年歷史的亞視，因不獲續牌而於去年4月1日熄機。至昨日熄機一周年，曾是亞視八朝元老的葉家寶於佐敦一酒樓舉行「我和亞視有個約會」，相約一班曾效力麗的及亞視的台前幕後聯誼，筵開20多席，逾250前亞視員工出席，包括夏春秋（冬叔）、劉錫賢、邵音音、文雪兒、吳毅將、盧希萊、周麗娟、程啟光和暖男公關黃守東等。
葉家寶唔搞重組
亞視計劃債務重組後發展網上及衞星電視，包括復辦亞姐。對於亞視重組，葉家寶表示已離開協盛協豐，所以不清楚。問到離開原因，他說：「重組都過咗一年，進展唔大，自己係基督徒，咁啱創世電視有需要，所以試吓。」85歲冬叔到場後被集郵，他開心地說：「今日好似喺亞視返工咁，見番好多老朋友。」
邵音音感激麗的
邵音音74年加盟麗的，她感慨昨日也是哥哥張國榮逝世周年紀念，並謂：「佢本身係畏高，大家都唔相信佢會咁樣跳落嚟，所以我都覺得係謀殺。」她又感激當年麗的收留自己說：「我因為當時一啲新聞入咗黑名單，好多謝麗的收留咗我，麗的成日叫我做小三，其實我都介意，日日都喊，但TVB深入家庭，入咗黑名單更加唔使諗，成日好唔開心，感恩麗的畀我一口飯，令我生活落去。」
採訪：黃曉妍
攝影：沈健程