【劉鑾雄講大劉】
【連載系列之四 雙親關係】富豪劉鑾雄（大劉）接受本報專訪，談到跟雙親關係，大劉坦言跟母親劉葉淑婉感情較好，因為與父親同是性格火爆，因此易生磨擦。他說：「我同媽咪感情好好多，爹哋雖然錫我，但佢又炮仗頸，我又炮仗頸，好易初則口角，繼而動武，哈哈！但我阿媽就好縱我，可能我係佢第一個仔，加上我又係老竇當時第一個仔，因為佢以前喺大陸有幾個仔，但日本仔打仗時餓死晒，我就係佢當時唯一親生仔。」
「乜都要最靚」
劉媽媽溺愛兒子大劉程度，早前已經講過大劉到加拿大留學時，除定時定候給生活費，更買了一輛相信是唐人街最靚的車給兒子，大劉也不諱言：「阿媽錫我同縱我，錢好鬆動。」大劉自言愛追求最靚的東西，他看中很貴的靚車、名錶，劉母都會照送給他。
大劉憶述：「以前住喺西營盤德輔道西時，雖然環境唔係好好，但縱嘅程度都唔錯，十歲之後搬咗去跑馬地，環境好咗啲，都係縱，但唔係咁犀利。他說：「但到我去英國、加拿大讀書，好明顯縱得好犀利，譬如18歲入大學第一年，我好鍾意玩Hi-Fi聽音樂，我要求佢買一套Hi-Fi係全世界最靚，嗰時嘅價值可以買到一層豪宅，佢都買畀我，所以有時諗番轉頭覺得好內疚，唔應該咁做，因為我追求靚嘅嘢，聽音樂鍾意好嘅聲，乜都要最靚。」
「做人講信用」
大劉母親誕下三女兩子，大劉為長子，對上有一位家姊。眾多子女中，劉母與大劉感情最好，而劉母待人處事態度，深深影響了大劉：「佢成日教我做人，第一，要畀心機讀書，第時出嚟做嘢唔使咁辛苦；第二，做人最緊要講信用，應承咗人一定要做到，唔好諗住自己承擔唔到，吹吓水應承咗，事後唔承諾，所以我細細個學識講信用，出嚟做生意好緊要。有信用，就算水緊，人哋都會信你、借錢畀你幫你，但冇信用，就算有錢，人哋都唔想同你有來往或生意來往。」
採訪：陳月媚
【Timeline】手機用戶請按此，瀏覽「傳奇狙擊手劉鑾雄 」: http://bit.ly/LAU-timeline
【話你知】同大劉有關係嘅名人、美女有幾多? 即睇「大劉人物關係圖 」: http://bit.ly/JosephLau