雖然「黑帝」咸姆頓喺F1揭幕戰輸畀法拉利嘅維特爾屈居亞軍，但似乎冇影響佢嘅心情。呢位32歲平治車手上周五就喺Snapchat上載自己去潛水嘅相，仲話潛水係佢其中一樣最鍾意做嘅事；黑帝仲同一班車迷分享玩水上電單車嘅片，飄移都完全難唔到佢㗎。黑帝今月九號就會去上海出戰中國站，唔知可唔可以一樣咁勁呢？