【本報訊】樓價持續上升，中原集團主席兼總裁施永青指，樓價指數再創新高是意料中事，市場開始陷入「資產荒」而現搶購潮。如樓價升得過急，政府應再出招，但繼續只限制需求是落錯藥。
施永青認為，現時樓市急升，是美國通脹重臨，一旦速度快過加息，負利率出現，市民擔心購買力蒸發，「好驚銀紙唔值錢」。雖然看好樓價續升，但如果升得過急，出招是應該。
惟之前多次出招，對抑壓樓價毫無效果，「食同一隻藥食極都唔好，冇理由繼續食落去，不如轉藥好過」。如果真的想樓價跌，在賣地前限制日後落成樓盤只可以售予月入3萬元以下首置人士，每人只准買一間，購入後又只能自住不准收租，「地價起碼跌七、八成」。但一旦樓價跌六、七成，就好多人負資產，經濟收縮。
指收緊按揭無助減大手客
施永青又認為，自從香港經歷過金融風暴及沙士後，投資是非常保守，「寧願儲起佢」。近期有不少「首置人士」大手購入新盤單位，雖然有指銀行將收緊此類單位按揭，「如果唔借，喺存款調動番少少錢出嚟已經夠畀」，所以收緊按揭都不會令大手客絕迹。
萊坊高級董事及估價及諮詢主管林浩文表示，最新差估署數據升幅比預期為多，相信3月份數字仍會上升。現時市場有點扭曲，似「乾升」，少數成交已推高樓價。如未來3個月樓價急升5%續創新高，估計政府就會再出辣招。