用高爾夫球去打保齡球，真係諗到冇諗過，但一位叫Minju Kim嘅南韓女球手唔單止試過，仲打得好好，用一個細細嘅高爾夫球就打中十枝保齡樽。
Minju Kim日前將呢段放上Instagram，見到佢喺保齡球道前揮桿，個高爾夫球一吓就命中啲保齡樽，全部瞓低晒，相當厲害。一定要打得好準，同埋好大力，先至可以用一個咁細嘅波打出全中。不過，唔少網民都懷疑呢段片係錯，可能經過剪接喎。呢段片喺佢Instagram放咗三日，暫時有超過四萬人睇過。Minju Kim嘅Instagram上面都有好多佢打高爾夫嘅片同相，包括佢曾經同澳洲球手阿當史葛合照。