每年呢個時候，政府各政策局同部門都要應付大量由立法會議員提出嘅財政預算案書面問題，有時忙中有錯的確好難避免。
就好似政制及內地事務局咁，前日回覆立法會特別財務委員會指，政府過去3個財政年度，每年只係花咗160萬（1.6 million），推廣《基本法》以及一國兩制。但喺下一個財政年度、即2017/18年，就花1,600萬（16 million），開支激增9倍，結果俾議員批評係加強洗腦工程。
有關數字只係喺英文版嘅回覆中提及，但中文版就冇。
報道出咗街之後，政制局先發現喺英文版回覆入面，原來寫多一個小數點，將原本「16 million」寫咗做「1.6 million」，所以要即時改正，刪走嗰個小數點，再提交立法會。