現年44歲的港台節目主持貴花田，已婚多年兼育有一子一女，貴花田經常在節目提及老公華哥晒幸福，惟本報日前收到一封由拉斯維加斯寄出的「告密信」，指她有第三者，其會與老公離婚，信中還貼上一張疑似貴花田的黑白半裸相。
貴花田前日接受本報訪問時哽咽說：「真係好唔開心，真係崩潰得好緊要！你明唔明呀？點解要咁？我好地地，無端端吐篤痰畀我，你嬲唔嬲呀？被屈感覺唔好受！」
唔認影裸照
貴花田昨如常返電台主持節目《瘋Show快活人》，離開時找拍檔曾志豪同行。被追問婚姻是否有第三者時，她不耐煩說：「乜嘢小三呀？我係小三呀？」問她與老公關係？貴花田說：「佢喺出面接我，我乜嘢都講晒啦！」問到可有向老公解釋？她說：「使乜解釋，佢都明，覺得滋擾屋企人，唔好意思，但佢信有埋嘢我會告佢！」至於可曾拍裸照？貴花田瞪大眼回應：「冇！一定冇！絕對冇！全部都係假，冇第三者，我同先生關係好好！」貴花田隨後登上老公的座駕，奇怪的是她選擇坐後座，而非前座乘客位。
採訪、攝影：盧妹
