朱千雪有位醫生追求者，其實有唔少圈中女星嘅另一半都係醫生嚟，佢哋嘅生活甚為幸福，千雪BB絕對可以參考下。
葉子楣
現年50歲嘅葉子楣，90年代係最出名嘅艷星之一，佢喺1994年完成咗電影《地下裁決》之後淡出娛圈，有指佢係為做脊醫男友呂錫照背後嘅女人。有指佢哋拍拖多年未有結婚，只係維持男女朋友關係。
官恩娜
官恩娜Ella 2014年同中法混血醫生男友Juan-Domingo結婚，之後喺同年10月誕下囝囝，產後嘅Ella似乎未有復出計劃，做全職媽媽湊B，十足十幸福少奶奶。
鍾嘉欣
鍾嘉欣喺2015年底同拍拖唔夠一年嘅脊醫男友Jeremy閃婚，鍾嘉欣喺翌年2月宣佈婚訊，仲喺加拿大補擺喜酒，喺同年5月鍾嘉欣再宣佈有喜，再喺8月宣佈誕下囡囡Kelly。
馮盈盈
去年港姐冠軍馮盈盈，參選時自爆已有男友，其後被揭男友係十優醫生男友，而馮盈盈為咗保護男友身份，仲刪除咗唔少社交網站上嘅合照。