周三NBA常規賽上演西岸榜首大戰，勇士雖然一度落後22分，但憑「浪花兄弟」嘅史堤芬居里（Stephen Curry）射入29分，最終作客以110:98擊敗馬刺，暫以61勝14負排西岸榜首。
杜蘭特入到樽
馬刺喺開波時打出一波10:0嘅攻勢，更加喺第一節剩番3分29秒將比數拉開至29:7分。不過，勇士嘅「浪花兄弟」交出精采演出，包括居里貢獻「雙雙」29分11助攻，同埋K湯遜（Klay Thompson）射入23分，令球隊以12之差贏波，進一步鞏固西岸一哥之位。值得留意嘅係，勇士喺近三季曾經三次喺第一節落後超過15分，但三次都可以反敗為勝。
另外，勇士前鋒杜蘭特（Kevin Durant）喺賽前都有表演入樽，雖然佢左膝傷患未好番晒，但卡爾（Steve Kerr）都話愛徒嘅康復進度理想，勇士亦指KD有機會喺常規賽完結前復出。