韓國每年都有咁多新女團推出，亦有唔少電視台搞選秀節目，令到女團人數不斷上升。
0依家出道嘅女團個個都年輕貌美，不過凡事仲有例外，為咗配合唔同粉絲嘅需要，日前就有一隊平均年齡達30歲嘅女團Berry Chu出道。
Berry Chu由六位車模組成，佢哋本身已屬知名嘅車模，有唔少粉絲，當中成員包括27歲嘅金荷音、29歲嘅許允美、30歲嘅韓智恩、30歲嘅金荷律、31歲嘅朴昭宥及33歲嘅徐珍兒，雖然六人嘅平均年齡有成30歲，同現今妹妹仔女團只得10幾歲有一大截距離，不過佢哋本身有唔少粉絲，六人合共有成60萬粉絲關注，比起一啲女團真係有過之而無不及。
現時Berry Chu只僅推出咗一首單曲《Hey， Stranger》，歌曲已於周一推出，但佢哋冇刻意拍MV，亦唔會有打算上節目谷新歌。