今時今日唔止人要拎「P牌」，連導盲犬都要，講緊係由領展（823）「愛．匯聚計劃」資助嘅香港導盲犬協會本地繁殖導盲犬計劃，噚日就公佈咗首批本土出世嘅7隻導盲犬由P字開頭嘅英文名。
呢7隻「P牌犬」分別叫Popeye、Popcorn、Pasta、Pancake、Pepper、Pudding同Pizza，早喺3月中時，市民透過領展app喺香港導盲犬協會提供嘅20個選擇中投票揀選出最鍾意嘅狗仔名，但原來改名都有學問，好似「Fire」或「Go」呢啲會令狗仔錯誤接收訊息嘅名，就要避一避喇。
噚日喺活動上，領展仲請嚟香港導盲犬協會關愛大使黃日華為導盲犬戴上頸帶同拖繩，呢班導盲犬之後就會為視障人士服務喇，「P牌犬」加油呀!