謝安琪（Kay）日前生咗B女張靖（Karina），出院嗰陣，一家着晒黑色潮look，不過原來Kay為B女喺比華利山屋企，佈置咗間粉紅色嘅公主房，BB床附近仲擺咗個旋轉木馬，襯埋白色傢具，夢幻到呢！
原來B女唔止有間公主房，貼心媽咪仲特登放多張床喺主人房度，等B女可以望吓海景。Kay昨日喺Ig貼相同留言話：「如果你喜歡……我會每天跟你看風景，跟你唱可愛的小兒歌，跟你說我兒時最愛聽的小故事……其實你哥哥也很會說故事啊，他每天下課回來，總愛拉著我說許多新奇有趣的事情……到一天你開始聽懂他說的話，你一定會更加愛他的，因為他真的很會搞笑啊！」
一個人仔有間BB房，面積可能大過好多人個廳，而一張BB床唔夠，仲有多一張海景床，難怪網民話B女夠晒矜貴囉！