【本報訊】三星重整旗鼓，旗艦手機Galaxy S8及S8+終於出場，硬件規格較上一代Note 7提升，並新增多款顏色；旺角先達商場手機店三禾電氣負責人Simon表示，首批水貨機料貨源短缺下會炒高一至兩成不等，當中以新色幻紫灰S8+最具炒賣潛力，保守估計可炒至八千元。
水貨機勢遭瘋搶
Simon解釋，三星官方公佈4月21日發售新機，而本港4月26日才舉行發佈會，料行貨5月才到港，故最早一批三星水貨機必遭三星粉絲狂搶，6.2吋大屏幕S8+料最受歡迎，當中又以幻紫灰的新灰色最搶手，「可以比官方價炒高兩成至七、八千蚊，其他顏色大約炒高一成。」
另一手機店流動帝國店長Alex亦指出，以去年Note 7的炒價有1,600元水位計，自Note 7回收至今三星機迷餓機多時，料S8+水貨「焗炒」高2,000元水位，約有兩、三成升幅，「就算行貨機到，一啲特別顏色如幻紫灰，都會炒高500蚊至800蚊不等發售；Note 7藍色行貨舊年都炒到500蚊啦。」
■記者蔡朗清