香港中旅（308）喺內地管理唔少旅遊景點同園區，不過市場競爭激烈，舊年旅遊景區業務收入跌近9%至16.79億元，難怪管理層都要諗諗計，除咗擴充原有項目之外，仲話有意思開設新嘅主題樂園，今次就想打小說《笑傲江湖》裏面嵩山派發源地嵩山主意！
位於河南嘅嵩山景區，一向都係由香港中旅管理，公司𠵱家計劃將佢建成旗艦景區。到底點為之旗艦景區？中旅噚日就大賣關子，冇講到詳細發展計劃，若果要華華諗，要喺嵩山開主題樂園，不如就整個《笑傲江湖》主題樂園啦。
叫得《笑傲江湖》主題樂園，入面當然要有令狐公子啦，亦當然唔可以冇嵩山派掌門左冷禪，諗起都高興。