女士們最愛嘅Dyson，公佈咗2016年業績，期內收入上升45%，至25億英鎊；利潤（EBITDA）增長41%，達到6.31億英鎊（折合61億港元）。
Dyson進軍中國市場兩年，增長達244%，其中無線吸塵機業務喺內地增長343%，公司仲喺上海設立新辦公室，增加中國團隊人數3倍。印尼及菲律賓市場分別增長266%及200%，澳洲市場增長三分之一。另外，日本及韓國盈利分別增長30%及1倍。
歐美方面，歐洲整體地板護理市場增長37%。至於美國方面，購買新產品Dyson風筒嘅消費者裡面，有65%係Dyson全新用家。