網上拍賣物品千奇百怪，有冇諗過連初夜都有得拍賣？一名來自羅馬尼亞嘅18歲泳衣𡃁模亞歷山德拉（Alexandra Khefren），受到電影《不道德的交易》啟發萌生賣貞操嘅念頭，佢話本身打算賺100萬歐元（即約827萬港元），但佢嘅初夜最終俾一個聲稱係香港商人睇中，仲以高價230萬歐元投得，相等於1,924萬港元。
亞歷山德拉唔肯透露呢位港商嘅身份，但話已經聯絡到佢，形容對方好友善，連酒店房都訂好，又話呢次只係一次交易，唔覺有問題，佢又聲稱「賣處」係為咗買間屋畀被逼遷嘅父母，但係後來就俾父母踢爆佢講大話，仲話對個女賣身感到傷心，揚言要同佢斷絕關係。
雖然「賣處」惹來風波，但同亞歷山德拉合作過嘅伴遊公司話，事件已引發至少300名少女效法，諗住有樣學樣出賣初夜。