51歲天王郭富城(城城)日前被《蘋果》獨家發現同29歲大陸網紅方媛(Moka)喺香港入紙註冊，有消息指Moka已懷孕兩個月，佢哋將喺下月中喺香港結婚。
昨日有周刊報道，城城原來喺半年前已經決定娶Moka，事實上近年身邊啲朋友相繼結婚兼生仔，唔多唔少對佢有啲影響，希望可以成家立室，之後遇到Moka，所以城城罕有咁公開女友嘅身份，仲好快結束鑽石王老五嘅生涯！但係因為城城嘅工作拍得密麻麻，加上佢又一直希望低調結婚，本來諗住去拉斯維加斯註冊，跟住再喺香港請親友兼好友出席婚禮。
不過因為Moka反對，因為喺其他地方結婚，喺香港係冇效力，於是佢希望喺香港註冊，等佢可以早日拎到居留權，報道仲話城城婚後都唔會改變0依家嘅生活，仍然周圍拍戲，城城喺上海買咗層3000萬豪宅俾Moko住，如果城城拍完戲返香港，佢就會嚟香港陪城城。