劉鑾雄（大劉）位長子劉鳴煒，不論公私事務都好，一向惹人關注。另一邊廂，其實佢堂弟、劉鑾鴻（細劉）位公子劉今晨亦都係靚package嚟㗎！劉今晨入咗利福地產（2183）做執董剛好一年多啲，雖然公司舊年業績麻麻地，由賺1,700幾萬元，轉蝕3,100幾萬元，不過一樣有花紅出。
根據最新年報，劉今晨舊年年薪100萬元，即係月薪接近8.3萬元，當中花紅亦有成50萬，夾埋8.3萬董事袍金，全年袋走近158.3萬元。利福地產年報提到，花紅係視乎個人表現及市場趨勢釐定嘅；睇番公司舊年啲投資物業，全部空置冇租收，收入全靠銀行存款收息，仲有就係同系利福中國嘅項目管理服務費。
舊年業績咁差，今年會唔會有機會改善呢？劉公子使唔使又努力啲呢？