谷卓恒旗下嘅《成報》，近年不斷狙擊特首梁振英、中聯辦主任張曉明等人，喺特首選舉上亦不停發聲，批評中央背後操控，但原來喺3月26日選舉前夕，佢就悄悄減持咗一隻礦業股，套現咗成千萬，唔知係有咩意圖呢？
根據聯交所嘅股權披露，3月24日谷卓恒以0.05元價格，沽售鼎和礦業（705）接近2億股，套現咗大概1,014萬元，本身由持股達6%減至得番2.35%，而咁啱3月26日就係特首選舉，唔知呢個減持行動係咪唔睇好香港之後嘅前景呢？
鼎和礦業之前叫南亞礦業，噚日股價計市值得2.75億，成交唔多，名副其實嘅一隻殼股咁囉。無啦啦減持，會唔會仲有嘢跟尾？