【本報訊】社會大眾高呼樓價離地，但有投資者認為「人係習慣動物」，昔日為樓價破萬譁然，如今已視作等閒事，所以近日以家人名義斥資約3,400萬元購買將軍澳新盤Monterey的3伙海景單位用作投資，並指有繳交樓價15%印花稅。
英皇前中文科補習天王吳賢德（Arthur Kho），目前持有的物業總值過億元，「自從2008年全球印銀紙之後，唔可以再用上一代經濟知識去睇呢個世界，未來通脹會好厲害，同埋人喺習慣動物。2013年你話一萬蚊一呎好貴，你𠵱家咪習慣一萬蚊一呎係正常」。
大手投資者今年頻出現於新盤市場。據統計，本月以一張合約買多伙單位個案近600宗，涉資過百億，反映入市意慾強勁。當中新地（016）南昌站匯璽類似的「一客多食」佔交投比例近四成，將軍澳Monterey及啟德嘉匯亦逾兩成。
龍譽大手客優先揀樓
豪客、投資者泛濫成災，令早前誓言旦旦要針對用家市場的央企保利置業（119），亦要變陣推出大手客優先揀樓計劃吸客。保利置業香港市場銷售部主管高藹華表示，啟德龍譽周日次輪賣樓，購買3伙以上的大手客可優先揀樓，而且買得越多越先揀樓，每名買家不設掃貨上限，惟少數指定戶型有限購。一周之隔，由所有買家一視同仁變大手客優先，高解釋，「唔會覺得違背初衷，公司上次對首置客做咗好大讓步，今次希望兼顧到大手客」。另外，中海外（688）昨以招標形式售出兩伙2座高層單位，成交價近1.3億元，呎價近3.5萬元，買家以一張合約購買2伙。
【新盤動向】
手機用戶請按: http://bit.ly/adpropertyr