中環在線:馮國綸:「染藍」唔由我話事 - 李華華

中環在線:
馮國綸:「染藍」唔由我話事 - 李華華

利豐(494)今年被剔出藍籌,畀外界認為係「黑馬」嘅國企吉利汽車(175)上位,主席馮國綸噚日出席全年業績會時,被傳媒問到有冇唔開心,佢都答得十分大方,話入唔入恒指成份股都唔由佢話事,仲解釋話𠵱家咁多內地公司來港上市,比重咁多,當然「染藍」機會較大。不過馮國綸話,就算染唔染藍,馮氏家族都唔會對持股有乜改變。
集團噚日除咗公佈業績,以及公佈佢哋嘅「新三年計劃」外,仲發公告指創興銀行(1111)副主席兼執董梁高美懿即日起成為集團提名委員會成員,梁高美懿本身係利豐獨立非執行董事及審核委員會主席。