葡萄牙周二喺基斯坦奴朗拿度（C朗）家鄉馬德拉島友賽瑞典，賽前C朗仲高舉歐國盃獎盃，江東父老面前威到盡，18分鐘仲取得第71個國際賽入球，追平前德國射手高路斯嘅歐洲球員國際賽入球數字，只有匈牙利兩大名宿哥錫斯同普斯卡斯多過佢。58分鐘C朗退下火線獲得全場掌聲，但笑到最後係瑞典，下半場連入三粒，以3:2反勝葡軍。