趙哲妤（Uny）舊年12月喺吉隆坡工作時，提早誕下B女趙真羽（Natalie），今個月中兩母女返港。Uny昨日接受《蘋果》訪問時話，囡囡乳名叫小魚。
Uny前晚喺屋企開咗個小型P，慶祝囡囡百日大，佢邀請筱靖同劉雅婷（Toby）等一班閨密慶祝，Uny將囡囡打扮成pink baby，派對就預備咗蛋糕同紅雞蛋，小魚全程眼仔碌碌望鏡頭，好精靈。Uny昨日貼相上Instagram並留言：「小魚100days birthday，很感恩有這麼多靚姐姐來為Natalie慶祝，BB好像知自己今天生日，眼仔睩睩，只是你開心，我就開心了」睇相就唔見小魚爸爸蒲頭。
Uny決定將生下囡囡時，已經諗好要做單親媽咪，所以產後回港，就接job賺奶粉錢。問到小魚爸爸不聞不問，係咪好心淡？Uny話：「冇心淡，我要做最堅毅嘅媽媽。」Uny仲話冇嬲過小魚爸爸，佢大講彿經：「一切都冇所謂，前世因，今生果，唯有今生再做好啲。」