輝山乳業（6863）瀕臨爆煲，執行董事葛坤一直失聯，而外界一直流傳佢係大股東楊凱老婆，不過大家真係誤會晒，無論係輝山嘅招股書定年報，都無描述過佢同葛坤係夫妻關係，只係話佢兩位係揸住同一間控股公司嘅一致行動人士。
其次係兩人嘅董事會成員登記地址雖然都係瀋陽，但就係屬於唔同區，其三係之前輝山個通告話葛坤工作壓力大，健康轉差，所以寫信畀楊凱話唔好再搵佢，呢個世界又點會有老婆請假要寫信畀老公，而唔係親口講呢？
好喇，咁楊凱老婆係邊個呢？根據輝山2015年11月30日公告，曾經提及楊凱及其配偶通過瀋陽華寶間接控股福大牛業約七成股份，據工商資料顯示，瀋陽華寶嘅股東就係楊凱同張健美，即係張健美就係楊凱老婆，所以大家唔好再搞錯喇。