今年49歲嘅陳法蓉1989年參選港姐入行，當年佢力壓朱潔儀同梁佩瑚成為冠軍，美貌與智慧並重，多年嚟佢都有唔少戀情，比較為人所知嘅就包括，佢94年同倪震拍拖，當年倪震同慧敏分手後冇耐，即被發現同陳法蓉撻着，不過兩年後倪震被影到同周慧敏再續前緣同遊美國三藩市，而陳法蓉隨即宣告單身。
去到2001年陳法蓉被指同許晉享拍拖，不過有指陳法蓉不滿許晉亨蒲吧媾女而閃電提出分手。陳法蓉其後又同內地男演員楊俊毅傳緋聞，不過最後都無疾而終，而講到佢對上一任男友，就可算係朱明，2008年陳法蓉被指搶走陸詩韻嘅油王男友朱明，二人仲一度傳出過婚訊，不過喺一年後分手，之後朱明被發現原來係「空心油王」，欠債纍纍仲人間蒸發。
情場失意嘅陳法蓉似乎將感情寄託於愛犬身上，不時喺微博post同愛犬嘅合照，錫到佢哋燶！