今年娛圈旺生仔，現年29歲港姐冠軍張名雅和混血模特兒貝安琪都先後誕下兒子。張名雅去年跟律師男友蔡錦豪（Joe）共諧連理，預產期本是下月，但她日前已誕下約7磅囝囝Mario。
「BB同我好合作」
張名雅已帶囝囝返家坐月，新手媽咪抱着兒子，回想起生產過程，張名雅昨形容順利但辛苦，她說：「喺屋企陣痛，10分鐘一次，跟住入院，嗰種痛好難頂，我全程懷孕都冇嘔，去到醫院就陣痛到嘔，真係好恐怖。睇戲時見人猛嗌痛，但我冇出過一粒聲，留番啲氣用嚟生仔好過。BB同我好合作，醫生同姑娘教我點用力，我算生得好快，用力三、四次就生咗，我大肚時有keep住日日做運動。」
張名雅產後母乳育兒，她大呻：「谷奶好辛苦，埋身餵同泵都整到損咗，因為谷奶，我唧又唧到手痛，餵又痛唔餵又痛，好辛苦。」因為捱夜餵B，她已火速收身。
採訪、攝影：楊定、羅慧敏
