球星二代踢波已經唔出奇，𠵱家仲出到球星第三代，前阿仙奴射手胡禮，本身就有養子胡禮菲臘斯代表過英格蘭，估唔到連胡禮菲臘斯嘅囝囝迪馬治奧都開始成材，𠵱家踢緊曼城青年軍，仲入選埋英軍U16代表隊。
胡禮仔因只得1米68身高而成日俾人笑，迪馬治奧好彩冇遺傳到矮仔DNA，𠵱家都1米7，16歲小朋友唔算矮啦！
