任天堂本月推出遊戲機Switch，隨即大賣歐美日，連喺公司canteen都見到有人圍埋打機，推高任天堂股價炒上20%，高位見過27,405日圓。近日更發現，原來有好多國際投資者一早買入咗任天堂，包括貝萊德（BlackRock）買吓買吓任天堂儲貨已經過咗5%要公開！
華爾街投行Jefferies就話，任天堂在推出新機時，一定會將最新的遊戲率先推出，今次有100分的Zelda、Mario賽車等等，已經星光熠熠，加上遊戲開發商今次唔需要選擇專注開發家用版定移動版，Switch相關的遊戲在質素及數量上一定飆升，相信可以賣得多過3Ds的6,500萬部。
由於任天堂管理層存在執行風險，有長期睇好任天堂股價的投資者，估計Switch成功率有60至70%，都算幾高㗎啦，預測任天堂目標價可以重上39,200日圓。任天堂股價在《Pokémon Go》收入不多後，由歷史高位31,770日圓10日內殞落34%，他的目標價較任天堂收市價有47%升值潛力。
對玩家來講，尤其一眾用NDS玩過Mario賽車嘅八、九十後，不知幾想任天堂重推「WiFi 8人對戰」，玩到𠵱嘩鬼叫，單係笑聲笑聲已夠滿載溫馨，已經係最佳孖屐亭！可惜最具潛力嘅iPhone App居然只得自己同自己打，免費玩三關就要收錢，其實絕對無問題，每個人都叫friend子玩，孖屐亭口中的「客帶客」，自然會做成風潮，希望今次有得連線，可以加多幾部機、手掣一齊打，至少今次可以將個風潮拉長多少少。
Melody
http://www.facebook.com/whichroad
本欄逢周三刊出