雷神莫雷拉賽前一日親自為座騎作最後備戰操練，唔係話冇，而係今季非常少咁嘅情況出現。偏偏今日(28日)有個特別鏡頭，就係雷神竟親操周三晚(29日)第七場三班1650米之「猛闖」。
4歲馬「猛闖」由雷神於泥地大跑道快踱一圈，走來身輕步爽，火氣旺盛，狀態進度理想。此駒上仗谷草同程一哩由韋達後上第四，係抵港後表現最好一仗，今次練馬師大摩隨即飛起韋達而初配雷神，反映已到收割之時，而雷神近七日內三度親操「猛闖」，包括周一排位朝草地快跳考驗，反映佢亦高度重視呢匹馬。
「猛闖」係周三晚大摩唯一戰馬，雖然暫時在港戰績平平，但佢連同外地共9戰，冇一次輸得遠，性格非常忠心，今次出到雷神，睇嚟就算跑第二，大摩亦未必滿意。