【 取景熱點】
志明橋不單是電影《志明與春嬌》及《末日派對》的取景地點，不少MV如謝安琪的《鍾無艷》、《你們的幸福》或余文樂的《氾濫》都曾於上址拍攝。對於志明橋引發風波，《志明與春嬌》系列導演彭浩翔回應時坦言，有聽聞過有不少市民冒險爬上橋頂打卡影相。他說：「但我嘅戲係冇人爬上去，唔知點解啲人為影相爬上去。」
楊千嬅余文樂籲勿危站
彭導呼籲注意安全：「我誠心呼籲無論鍾意部戲嘅朋友又好，鍾意個場景嘅朋友又好，千祈唔好因為打卡而令到自己受傷，因為《春嬌救志明》（同系列第3集）個意思，就算你覺得自己似張志明都唔需要危坐喺橋邊，因為最後春嬌未必救到你，到時就變『消防救志明』㗎喇！」
戲中女主角楊千嬅回應指：「完全明白大家投入對春嬌和志明的幻想，這條橋拍得很美，但電影是虛構的環境，計算過安全許可下才拍攝……觀眾可以入場感受浪漫的空間，但不要再做危險行為！」男主角余文樂則呼籲：「希望大家唔好企喺天橋上面，因為真係好危險，若因為想影相而出事，真係好唔值得！」
■記者何永寧、李錦欣