東亞銀行（023）之前公佈業績，雖然盈利倒退，但噚日公佈嘅年報顯示，主席兼行政總裁李國寶整體酬金依然有得加，舊年全年就袋2,910萬港紙，比2015年度逗多110萬。至於佢兩位公子，即執董兼副行政總裁李民橋同李民斌，舊年就各袋940萬，比起2015年度多70萬。照咁計，即係兩位公仔每個月袋78.3萬，李國寶就月薪242.5萬，認真和味。
不過，舊年東亞業績麻麻，所以三位花紅都分少咗，每人拎少260萬，即李國寶只袋550萬，咁點解整體酬金依然有得加？就喺因為佢地認股權方面（按股價公允值計，咁啱股價升左），較2015年度增加咗唔少，李國寶由750萬升到1,130萬，李民橋同李民斌就由240萬升到370萬，所以先帶動到舊年看似有得加人工囉。