林鄭月娥當選後仲未到訪中聯辦，長實集團主席李嘉誠幼子李澤楷、民建聯主席李慧琼噚日就搶先一步，喺上午先後進入中聯辦。
小小超突然喺特首跑馬仔賽前幾日，接受幾間傳媒訪問，表態支持林鄭做特首，令唔少人都好意外。噚日小小超喺早上10點幾抵達中聯辦，逗留約20分鐘後離開。
至於琼子呢，則喺11點幾步離中聯辦，記者問佢到場同邊位官員會面、以及係咪交代民建聯選委喺特首選舉中嘅投票部署，佢都冇正面回應，只稱：「冇乜特別嘢講，我有事搵佢哋幫手，有交流活動。」手握過百票嘅民建聯表明all in林鄭，八方反而好關心，西環會唔會有犒賞先？