基斯坦奴朗拿度又贏美斯嘞！講嘅係收入呀，因為據《法國足球》報道，C朗以8,750萬歐元（約7.4億港元）成為2016/17年度最高收入足球員，而美斯就以7,650萬歐元排第二位。其實，C朗喺皇馬嘅人工只係佔自己收入嘅1/4，其餘嘅收入係來自包括做多個大品牌嘅廣告代言人，同埋自家品牌CR7等。至於美斯，佢雖然冇自家品牌，但就有另類生財方法，就係炒樓！據報，美斯自2015年起已經喺家鄉阿根廷嘅羅沙里奧周圍買地起樓，想打造個高尚住宅區。另外，美斯嚟緊可以專心踢球會賽嘞，因為國際足協話佢上場世盃外用粗口鬧旁證，被國際足協重罰停賽四場。