𠵱家乜都上網搞掂，登入網上銀行一個戶口、網購又一個戶口，分分鐘要記十幾個賬戶同密碼。Mastercard噚日發表咗一份安全及保安指數調查，原來有21%人為自已所有賬號設下相同密碼，52%人會以生日日期、家人及寵物名字做密碼。
另外，調查仲話84%嘅人試過忘記密碼至少一次，而平均重設密碼就會白白浪費11分鐘。更慘豬嘅係，有三分之一話試過因為忘記密碼而放棄網上購物，6成人就試過因輸入密碼問題而錯過講求時間性交易，例如買演唱會飛咁。
不過，今次Mastercard就冇提供到受訪者人數同其他資料，所以都唔知究竟上述情況發生喺幾多人身上，而Mastercard更就提醒用家需要設一個安全性高嘅密碼，以防界黑客入侵。