這天沙田馬場舉行四組泥地試閘，其中第一組1200米泥閘可謂星光熠熠，6匹出試馬最低分一駒「澳斯卡」亦有111分，而全港最高分馬俱評128分之「幸福指數」、「幸運如意」也在此組出試。
結果跑第一是雷神莫雷拉之「澳斯卡」，這匹前季最佳新馬獎得主，跟前直路加速有勁下勝出，「幸福指數」、「幸運如意」順序得二三名，呢三隻馬連同今組跑第四的綠魔「有得威」，都會角逐下月9日1200米國際二級賽短途錦標，今日呢組試閘，可以話係賽前最重要備戰。
其中「幸運如意」的女主人溫佩珊、「有得威」一班馬主團體成員都有現身探班。試閘後溫佩珊沒有如以往般離場，反而跟隨練馬師呂健威一起入倉睇馬，可見對下月9日之戰相當重視。威哥表示「幸運如意」目前狀態極佳，放棄遠征剛舉行的日本高松宮紀念賽，就是希望留力在港有更佳表現。
至於「幸福指數」今課試閘由吳嘉晉操刀只是替工，稍後出賽將續由郭能主轡。