非國盃二月已經完咗，不過只得殿軍加納仲有手尾跟。一個叫奴斯（圖）嘅西班牙籍教練，其間擔任主教練格蘭嘅戰術分析員，但因為加納拖佢獎金，非國盃完咗之後就決定留喺加納首都阿克拉一間酒店唔走。事件拖咗成七個星期，加納足協終於籌集到資金畀奴斯嘅部份獎金，又會找埋條酒店數，奴斯對於收唔番全部獎金都話算數，𠵱家最緊要返西班牙同屋企人團聚。