大台唔夠人用大家都知，仲搞到要不時搵舊人「回巢」，而小生嚟嚟去去都係得嗰幾個，開電視見到嘅又係嗰幾個，都咪話唔悶。
陳展鵬
佢喺08年回巢大台，仲喺2011年正式晉身大台男主角之列，喺去年佢仲憑《城寨英雄》做埋大台「視帝」，而喺2017年出街嘅已經有佢主演《乘勝狙擊》，仲有未出街嘅《同盟》以及仲拍緊嘅《天命》。
洪永城
2012年過檔大台，隨即被力捧，2014年獲安排拍劇，不久即升呢做男主角。2017年開始至今，佢已經有兩套主演嘅劇集出街《味想天開》及《我瞞結婚了》，另外，佢亦被安排接拍張衞健回娘家之作《大帥哥》做第二男主角，可見其被力捧之勢。
蕭正楠
歌手出身嘅蕭正楠2008年加入大台，喺2013年《巨輪》躋身男主角之列，而佢今年相信會有《翻生武林》及《超時空男臣》準備出街，而佢亦有份大重頭劇《宮心計2·深宮計》。
黃浩然
黃浩然喺06年加入大台隨即被力捧，佢喺出緊街嘅《我瞞結婚了》做第二男主角，而未出街嘅有佢主演嘅《賭城群英會》及拍緊嘅《平安谷之詭谷傳說》。