蛋，全部都係蛋。始創中心今年特邀專長喺蛋殼內作畫嘅土耳其藝術家Süreyya Noyan（圖），來港首辦個人藝術展，名為「蛋殼中的彩繪藝術」創意展。由今日至下月17日展出80件精緻嘅蛋殼內彩繪藝術品，以彩繪藝術賦予蛋殼新生命。除咗展出「經典名畫」同「土耳其建築」，呢次展覽更包括特別全新創作嘅「香港地標和文化」及「復活節」等主題作品，等港人更有共鳴。
Süreyya Noyan可算全球唯一喺蛋殼內作畫嘅藝術家，作畫過程好考功夫，要先小心破開蛋殼倒出蛋液，再去除蛋殼膜後風乾，以鉛筆、水彩等顏料創作。蛋殼易碎、空間小、有弧度，少啲耐力都唔得。