無綫劇集近年興玩重口味，除咗有無限強姦情節，甚至有父女亂倫鏡頭，所以女藝人大露背已經屬濕濕碎場面。而喺啱啱開拍嘅新劇《心理追凶》都有半裸場面。之但係犧性色相嘅，唔係例牌嘅陳煒、高海寧。而竟然係差1歲就步入70歲嘅馬海倫(Helen姐）。
Helen姐早前接受訪問時，就話自己拍咗28年戲，從未試過拍半裸，係收到劇本先知，但拍半裸鏡頭前幾日，先至喺深水埗曬完3日，返到廠一剝衫拍完呢場戲，就發高燒病咗仲要聲都沙埋，認真慘慘豬。
據知，原本呢個咁香艷嘅鏡頭，無綫就屬意俾程可為，話晒佢4年前拍《女警愛作戰》個騷胸夢露look，當時都有喺網上瘋傳，可惜程可為就話臨時有嘢做拍唔到，結果呢個咁難得嘅機會，就落咗喺Helen姐手上，問Helen姐為乜套劇有半裸鏡頭，佢就話一講會穿橋，可以暫時唔講得住喎。