近年市場一直有聲音要換走滙控（005）主席范智廉及行政總裁歐智華，指兩人需為業績欠佳負責。為挽回市場信心，早前滙控已決定聘請友邦（1299）行政總裁杜嘉祺（Mark Tucker），出任集團非執行主席，股價即時應聲反彈。打鐵趁熱，市場焦點已轉為落在歐智華身上，看他會否早些退下來，似乎非走不可。
有離開滙控友人跟密西比說，歐智華上任七年以來最大問題，是漠視香港及大中華市場才是滙控盈利增長主要動力事實。他說：「香港一直好賺錢，尤其係當其他地方越嚟越唔得嘅時候，香港同大中華市場嘅價值就越突出，但居然最賺錢嘅地方，要跟啲唔賺錢嘅地方劃一裁員同調整薪酬，呢個真係點都講唔通。」
友人續稱：「做又三十六，唔做又三十六，啲人當然冇咁賣命啦，之後仲要喺總部空降大批啲連中文都唔識嘅人睇住個場，一葉知秋，咁嘅管理哲學，你話間嘢點會好？股價又點有得升？啲大股東又點會高興？咁佢又點可以唔走？」
眾望所歸「冇得留低」。
密西比