男士們要追女仔，仲送花？未免太冇新意啦。不如等呢班前輩，醒啲招式過你啦！
第一招：送花不如送草
吓，送草都得？邊個話㗎？咪就係海豚話嘅囉。雄性海豚要吸引異性，會叼着草團、樹枝或黏土，浮上水面，再用鼻、鰭把東西扔出去，展現其敏捷的身手，自然能嬴得美豚歸。
第二招：展示肌肉美
招潮蟹都唔輸蝕，咪睇佢蟹仔細細咁，一隻強而有力的臂彎，是牠們最煞食的武器。人會舉手瓜展示肌肉，招潮蟹則會舉高巨鉗，誰把巨鉗舉得越高，誰就最能吸引到女士們的目光。
第三招：揀綠葉王喺左近
如果蟹鉗先天不足不夠大，點算好？企喺更細隻的招潮蟹隔離就得。研究發現，雄性招潮蟹站在蟹鉗較細小的鄰居附近，被雌性選中做伴侶的機會更大。
第四招：扮女人
身型較輸蝕的雄性澳洲巨型墨魚，要突出重圍，只好扮成雌性，會變色變花紋之餘，還會收起雄性特有生殖腕。在其他雄性為爭奪雌性打架時，悄悄地接近女神，捷足先登，僑裝成女性，被雌性墨魚拒絕的機會還會減半，竟然真係有效。
其實搞咁多花臣，無非都係講個心箒，男士們，係時候偷師啦。
資料來源：
BBC
Sophia Callander, Catherine L. Hayes, Michael D. Jennions, Patricia R.Y. Backwell; Experimental evidence that immediate neighbors affect male attractiveness. Behav Ecol 2013; 24 (3): 730-733.
記者：封愷瑜
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily